Enkelejda Imeraj
Drejtoreshë e Përgjithshme
Znj. Enkelejda Imeraj është Drejtoreshë e Përgjithshme e Agjencisë së Inovacionit dhe Ekselencës që prej dhjetorit të vitit 2023.
Para emërimit në detyrë si Drejtoreshë e Përgjithshme e Agjencisë së Inovacionit dhe Ekselencës, Znj. Imeraj ka zhvilluar karrierën e saj profesionale në Shtetet e Bashkuara të Amerikës, për një periudhë kohore prej 25 vitesh, gjatë së cilës ka mbajtur pozione të larta në kompanitë më të shquara në Amerikë, më së shumti në Silicon Valley, Kalifornia.
Znj. Imeraj është diplomuar në Fakultetin e Shkencave të Natyrës të Universitetit të Tiranës në Departamentin e Informatikës. Ajo gjithashtu ka përfunduar ciklin e dytë të studimeve Master i Shkencave me arritje të shkëlqyera në Universitetin e Illinois, Urbana-Champaign, në SHBA.
Znj. Imeraj ka një sërë kualifikimesh të tjera në fushat e menaxhimit të koorporatave, konsultimit të kompanive, drejtimit të start-up-eve kryesisht në fushën e inovacionit dhe teknologjisë, si dhe telekomunikacionit.
Kontributi i znj. Imeraj në fushën e udhëheqjes dhe ekspertizës është vlerësuar në mënyrë të vazhdueshme nga partnerët ndërkombëtarë. Znj. Imeraj ka një experience të gjerë në fushën e teknologjisë, strategjisë së shitjeve dhe performancës së burimeve njerëzore, e cila ka nisur që në vitin 2000.
Znj. Imeraj ka mbajtur pozicione të larta drejtuese, fillimisht si administratore e sistemeve të rrjetit në Ambasadën Amerikane në Shqipëri, gjatë viteve 1996-1998 dhe më pas për të vijuar formësimin profesional në SHBA si Inxhiniere, Menaxhere dhe Konsulente në kompanitë Siebel Systems, Oracle, Salesforce dhe Splunk.
Në vitin 2014, Znj. Imeraj ka mbajtur postin e Ekspertit në Startup-et e Teknologjisë. Vijuar në vitin 2017 ajo ka mbajtur pozicionin e Zëvëndës Presidentes së Shitjeve në kompaninë e fuqishme të sofwerave, Salesforce.com.
Në vitin 2021, Znj. Imeraj ka Drejtuar Strategjinë e Platformës së Inteligjencës Artificiale në korporatën Congiac.ai. Në 2023 ajo vijoi duke udhëhequr Strategjinë e Departamentit të Shitjeve dhe shërbimeve të tjera operacionale për korporaten Cogniac.ai.
Për më tej, ju ftojmë të ndiqni Znj. Imeraj në Linkedin.